بقلم : محمد مختار
زغرودة شهيد وزفة شهيد
زغرودة عالية وعيون مليانه
دموع إبني الوليد
يا بلد دي جنازة
ولا زفة بشهيد
ناس ياما ماشية خاشعة
زي صلاة العيد
وأمه حضناها ملايكة
بتقول مبروك لأم الشهيد
العريس عند ربه
ومكتوب هناك إسمه
وآه لو عرفتي إيه
يساوي الشهيد عند اللي خالقه
والله لأتمنيتي كل يوم
تضحي بشهيد
أوعي تزعلي ولا تحزني
ف زفة شهيد
والعمر لو طال العمر
مش أحسن يبقي شهيد
إبنك دا عريس الفرح
وإنتي كل ليلة عيد
ياريتني يا أما أموت
وأبقي شهيد
زغرودة شهيد
فى زفة شهيد..