فراخ كانتون سويت اند ساور

مشاهدة
أخر تحديث : الأربعاء 15 مايو 2019 - 6:25 مساءً
فراخ كانتون سويت اند ساور

مقدمه من السيده / عهود ابراهيم

مدة الاعداد 15 دقيقه
مدة الطهي 20 دقيقه

المكونات

نص كيلو صدور فراخ مقطعه مكعبات
دقيق
نشا
فلفل الوان
بصل مكعبات
كوسه شرائح رفيعه
كرنب شرائح صغيره
جزر شرائح رفيعه
صويا صوص غامق
كاتشب
زيت ذره
ثوم مفروم
ملح وفلفل
جنزبيل بودر

الطريقه

تتبل الفراخ بالملح والفلفل ومعلقه صغيرة جنزبيل (انا ضفت عصير نص ليمونه )
وعليها معلقتين نشا ومعلقتين دقيق )
وقليل من المياه علشان تبقي معجنه شويه
وتركنيها علي جنب
في بوله كبيرة
تقطعي الخضار
شرايح رفيعه
كله علي بعضه
وتركنيها ايضا على جنب
الصوص في بوله صغيرة
4 معالق كاتشب كبار
وعليهم ¼ زجاجه صويا صوص صغيرة النوع الغامق
او 8 معالق كبار لو من الزجاجه الكبيرة ومعلقتين نشا ونقلبهم كويس جدااا وتركنيهم
في بوله نحط دقيق علي نشا علي ملح وفلفل وجنزبيل
ونقلبهم
ونبدأ بقي نسوي
ننزل بالفراخ المقطعه في الدقيق والنشا ونتبلها كويس من كل ناحيه ونحمرها في زيت ساخن غزير
نحمر الكميه كلها ونركنها على ورق مطبخ لتصفى ما بها من الزيت

في وعاء الطهى علي النار
هانحط شويه زيت وننزل فيهم بشويه ثوم ومعلقة جنزبيل بودر صغيرة اول مايطلعوا ريحه ننزل بالصوص ونقلب لانه هايتقل
اول مايغلي ننزل بالخضار
واول مالون البصل يبقي شفاف والخضار يدبل انزلي بالفراخ اللي حمرناها
غلوه واحده مع بعض
واطفي علي النار
وكلي احلي فراخ صيني
مع النودلزالبيض او مع الارز
وبالف هنا وصحتين وعافيه

رابط مختصر