أحزاب وسياسةإلى من يهمة الامركتاب و مقالاتمحافظاتندوات ومؤتمراتنواب و برلمان

فاروق ……كيف تصبح عضو مجلس نواب أو شيوخ ف الأرياف !

محمد فاروق 

يكتب عن

بمناسبة قرب الانتخابات البرلمانية المقبلة 
الجديد 
كيف تصبح عضو مجلس نواب أو شيوخ ف الأرياف 
في 3 شهور :
١ – فصل 5 جلبيات بلدي صوف غاليين بالجلبيات البيضة اللي تحتيهم وشال كشمير محترم
٢ – تروح أي عزا في الدايرة وتدخل من قدام حتي لو في قرايبك من هو أكبر منك سنا ومقاما
٣ – تروح أي فرح دعيت إليه أم لم تدعي وتسلم علي كل الفرح اهل العريس والعروسة والمدعويين
٤ – تتصرف ولو حتي هتستلف وتدبح عجل كل سنة وتوزعه علي كل الناس الباينة اللي ممكن تحشدلك أصوات
٥ – تسمع عن أي صلح تروح تحشر نفسك في اللمسات الأخيرة ولو لقدر الله تقديم كفن تكلبش فى دراعات اللى ماشى وجى يقدم الكفن وتقعد من قدام عشان تاخد اللقطه
٦ – تسمع عن أي ست غضبانة تروح لجوزها وتسمع منه وتاخد حد من أهله وتصالحهم
٧ – تنزل يفط كتير في العيد ودخول رمضان وتحط صورتك وتهنئ الامة الاسلامية وفي الاعياد المسيحية تهنئ الاخوة الأقباط
٨ – اوعي تقرا سياسة عشان مش هتفهم حاجه واذا حد من المواطنين سألك أي سؤال سياسي ترد بإجابة واحدة ربنا يصلح الحال
٩ – تمشي مع التيار.
١٠ – تسمع عن اي مدرسة هتتبني او اي شارع هيترصف تروح كاتب طلب وموديه الابنية التعليمية او مجلس المدينة وتدَّعي كذبا وزورا وبهتانا انك انت اللي عملته
١١- أي افتتاح لأي مدرسة أو طريق أو شارع او مصنع علي طول تروح رايح وتحشر نفسك وتتصور
١٢ – أي مسجد هيتبني تروح وتدفع تبرع مالوش لزمة عشان تحضر افتتاح المسجد كإنك إنت اللي بنيته
١٣ – أي فرصة للخطابة في أي مناسبة امسك الميكروفون وخبط بأي كلام ..
١٤ – تنتقد المستشفي بمناسبة ومن غير مناسبة
١٥ – تصاحب الظباط وأمناء الشرطة عشان لو حد اتمسك
تروح تطلعه من المركز
١٦ – لو الجلبيات قدمو فصل جلبيتين تانيين
١٧ – عربيتك لازم تكون كبيرة ومحترمة ولو ماعندكش استلف عربية من حد تبعك عشان لما تروح عزا او فرح
١٨ – ماتمشيش من غير ٥ او ٦ رجال تنقيهم
محترمين حواليك يعملولك جو وكده
١٩- كل بلد تروحها تقوللهم ايه اللي ناقصكم ؟؟ يعني قال انت اللي ها تكمله
٢٠ – اي حد بيتفزلك وبيسأل أسئلة كتيرة وصعبة صاحبه بسرعه وخد تليفونه وقوله انت عجبتني عشان مخك حلو ونور عشان ينشغل بكلامك ويبطل يسأل ..
21- لو راكب عربيتك الفخمه وعيل صغير نادي عليك انزل فوراً سلم عليه قدام الناس وخد اللقطه عشان تبقى متواضع وخلوق ..
22 – ودايما لو بتحل مشكله بين رجالة خلي صوتك يبقي أعلي من كل الموجودين للفت النظر والانتباه

اتفق معكم صديقى العزير الاعلامى سمير المسلمانى

اظهر المزيد
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock