عميد برتبة إنسان

متابعة- عماد أحمد محمد
يروي لنا الصديق العزيز مجدي ابو العباس صديق العميد “حاتم صفوت الخشت” مأمور قسم شرطة اول اسيوط
ورد بلاغ بنشوب حريق فى حضانة الشابات المسلمات حضانة ثلاثة ادوار اخد البوكس بتاعه وطلع من القسم سايق بجنون وصل لقى النار في اركان الحضانة كان فيها كام طفل؟٩٥طفل
من سن ٨ شهور لحد ٤ سنوات النار حولهم والناس خايفة تقرب من ألسنة اللهب بدون تردد، بدون تفكير كتير اقتحم الحضانة بنفسه وسط النار والدخان رؤية منعدمة صوت اطفال بتبكي وبتصرخ ومعظم الكلمات إلحقيني يا ماما او إلحقني يا بابا.
بروح الأب قبل روح الشرطي اقتحم المكان وما همهوش ان النار اصابته والدخان قرب يقضي عليه فضل داخل خارج ينقذ في الأطفال لحد ما انقذهم جميعا هو وثلاثة شباب جدعان اوي انقذوهم من وسط النار اللي دمرت الحضانة عن بكرة أبيها ،ثلاثة ادوار من النار لم تكن كافية انها تمنع الراجل ده من اداء واجبه “الأبوي” قبل واجبه “الخدمي”لم يقف ينظر ولا يشاور ولا ينتظر الامدادات لم يقف يقول لنفسه انا عميد ورتبةلم يفكر كثيرلم يتوقف غير لما اتأكد انه لا يوجد أى طفل تاني وسط النارساعتها بس هزمه العامل البشري وسقط مغشيا عليه وتم نقله للمستشفى لعلاج الحروق واثار الدخان اللي ما قدرتش تهزمه إلا بعد ما ادى واجبه.