جلاش بالماشروم صيامي

مشاهدة
أخر تحديث : الثلاثاء 9 يوليو 2019 - 7:38 مساءً
جلاش بالماشروم صيامي

من اعداد الشيف هايدى فيليب
المقادير

لفه جلاش نص كيلو ، 1علبه ماشروم وتصفيها او فريش وتقطعيه صغير ، فلفل اخضر والوان متقطع صغير ، بصله كبيره مكعبات ؛ 6 فصوص توم مفروم ، ملح وفلفل وتوم وبصل بدره وبابريكا وسماق وبهارات ، سمنه نباتي ، زيت، كوب ماء ساخن مذاب فيه 3 معلقه كبيره كريمر ورشه ملح وفلفل
الطريقه

هتحطي شويه زيت في طاسه ع النار وتنزلي البصل يتقلب تقليبتين وبعده التوم وبعده الفلفل وبعده الماشروم وكل التوابل المكتوبه فوق وتقلبي شويه صغيره

في صينيه فرن ادهنيها سمنه النباتى حطي ورقتين جلاش وادهني سمنه بالفرشه وبعدها ورقتين كمان وادهني وهكذا لحد ما توصلي لنص كميه الجلاش حطي الحشو اللي احنا حضرناه وارجعي حطي ورق الجلاش تاني بنفس الطريقه لحد ما تخلص الكميه وطبعا تدهني الوش سمنه وقطعيها باي شكل تحبيه ودخليها الفرن واول ما الوش يحمر طلعيها وصبي فوقها بالتوزيع بالتساوي كوب اللبن الكريمر ممكن كمان تدوبي فيه مرقه خضار لو تحبي هتدي طعم حلو وترجعيها الفرن دقيقتين بس بالظبط وطلعيها وكده بقت جاهزه بالهنا وصحتين وعافيه
جربوه وقولولي رايكم

رابط مختصر