“فضفضة كلام” تساؤلات ولا إجابة عليها

بقلم : داليا إسماعيل

عذرا سيدي الرئيس ..
عندي تعليق مهم علي ماتقوله اليوم او بمعني ادق عدة اسألة او استفسارات ويجب ان نجد لها إجابة من سيادتكم .

وهذه كانت من خلال مااعلنت به اليوم بخطابك للشعب المصري علي ماحدث في مذبح كنيسة الكاتدرائية .
.
وهذا التوجيه او الخطاب كان يشير الي ان هناك شاب عنصري قام بتفجير نفسه بداخل الكنسية الذي يدعي محمود شفيق محمد

طبعا في البعض منا صدق هذا الكلام بدون اي شك وفي منا اللي مازال يوجد لديه بعض التساؤلات!!
اول سؤال :

كلنا نركز في الصورتين دول اوي 1 و 2 دول بالتأكيد في مشهد واحد وهو بعد التفجير تمام اوي، طيب انا لو صدق انه فجر نفسه بالفعل هصدق الصورة الأولي لأن طبيعي التفجير هيعمل فيه اكتر من كدا، انما السؤال بقي هي الصورة دي جات ازاي بعد التفجير والا قبل التفجير ؟

يعني وهو بكامل جسدة والا بعد ماالتفجير اهلكه؟

حضرتكم الصورتين مالهومش علاقة ببعض خاص، يعني ممكن تكونو لحمتو الرأس مثلا علشان يبان الملامح، اسفة بجد مافيش في رأس حاجه تتلحم .

والا اقول خياطة بردو مافيش علامات تدل علي الخياطه ولان الرأس في المشهد الأول متأكلة.

وصلكم هدفي من السؤال والا لسه؟ اكيد وصل.

السؤال التاني :

خلينا افترضنا اننا صدقنا فعلا ان الشاب ده فعلا قام بالعملية الانتحاريه دي وفجر نفسه داخل الكنيسة.

ازاي دخل بالحزام الناسف لداخل الكنيسة رغم كمية الحراسة الكبيرة الموجودة علي الكنيسة ؟؟

طيب هي الحراسة كانت من الخارج بس والا من الداخل كمان؟
لو حضرتك من الداخل يبقي كارثه سودة بجد ان يكون موجود كمية الحراسه دي وبردو العملية اتنفذت

ولو من الخارج بس يبقي هناك تقصير كبير جدا من افراد الأمن وهي ازاي يمر دا من وسطيهم ويدخل داخل الكنيسة بالحزام ده .

دا لو فرد عادي دخل اي منشية ومر علي الجهاز ومعاه اي معدن الجهاز بيدي اشارة ان في شئ يجب البحث عنة.
.
حضرتك يافندم لو بتمحي عنهم المسؤله.
احب اقولك انك بعد الكلام دا هيدينهم اكتر ودا معناه حاجه من الأتنين

اما .. انهم يكونو من ضمن المتأمرين علي الدولة وهدفهم نشر الفتنة ويكون عدوك من داخل هذه البلد ودي تبقي كارثه كبيرة لاننا اصبحنا في شك ان اخويا اللي مني ممكن في لحظة يصبح عدوي ومتأمر عليا.

او.. يكونو مش قد المسؤليه اللي كانو فيها لما يمر شخص ذي دا من عليهم ومايقدروش يكشفوه وبالفعل تتم العملية الإنتحارية ويتسبب في قتل الضحايا دي كلها.

ودا معناه ان وجودهم مالوش اي قيمة واصبح الإحساس الخوف والرعب وعدم الأمان متواجد بداخلنا جميعا لو معدي علي اي منشئة او مكان مهم

ووجدت فيه كمية حراسة مش هطمن هخاف بردو يحصل نفس اللي حصل داخل الكنيسة.

السؤال التالت :
ودا الواضح من خلال الصورة التالتة

حضرتكم ماقدرتوش تتعرفو عليه قبل مايتم العملية الإنتحارية انه من حركة ارهابية وهي ” حركة ابو دجاجة الكناني ”

وقدرتم تتعرفو عليه بعد ما العملية تمت وبقي من الصعب التعرف عليه بعد ما جسدة وملامحة تأكلت ودا اللي بقولة من خلال الصورة الأولي؟

انما من خلال الصورة التانية عادي جدا التعارف علية ومن غير سحر ولا شعوذة.

تمام جدا احنا بقينا بنستني وقوع المصيبة او الكارثة ونبدأ نبحث عن اسبابها !!

حضرتك تفسر بإية وجود شاب في مكان يقتل فيه الحريم وليس الرجال اين المراقبة؟؟ والا الهدف هو قتل الأطفال والنساء؟

بذمتكم مش مكسوفين من نفسكم ؟؟
كتير من التساؤلات بتدور في عقولنا وللأسف مش هنلاقي لها إجابة عندكم.

للأسف خطتكم فشلت في انكم تشلو حركة التفكير داخل عقولنا، ونمشي ذي القطيع وراء مبررتكم التافه .

هنقول ايه غير حسبي الله ونعم الوكيل في كل ظالم ومقصر في واجباته .