إمرأة فاضلة

مشاهدة
أخر تحديث : الثلاثاء 9 يوليو 2019 - 5:47 مساءً
إمرأة فاضلة

المرأة ليس فقط نصف المجتمع بل هي المجتمع كله لما لها من دورا هام في حياة كل إبن وأب واخ وزوج
هي أم وأخت وزوجه وابنه وحبيبه وشريكة درب،أنواع من الستات منهم الطيب الساذج ومنهم الحنون ومنهم الشرير
اصعب ست ممكن تتعامل معاها في حياتك هي اللي مايفرقش معاها الفلوس ،
اللي مش هتعرف تبهرها بهدايا و لا فارق معاها عربيتك و لا لبسك و ماركة ساعتك ، و اللي مش هتعرف تعاقبها لما تحرمها من ماديات و لا هتعرف تصالحها و ترضيها بالغالي !
كل اللي هيشغلها منك معاملتك و تقديرك لها، وقت الشده لقيتك و لا دورت عليك ،
فضلتها علي الناس ولا فضلت عليها حد ، اشتريت خاطرها و لا كسرته
و لما احتاجتلك كنت فين ؟ معاها و لا بعيد ، في حزنها احتويتها و لا سيبتها تعدي أزمتها من غيرك ؟!
دي الحاجات اللي بتفرق معاها و كل احتياجاتها عاطفية و معنويه و بتقدر تحسها و تستشف ان كانت مشاعرك حقيقه و لا لاء ؟!
الست دي ملهاش ماركة و ملهاش دراع يتلوى ، زعلها سهل و رضاها اسهل ، بتزعل لما ظنها يخيب فيك و بتسيبك تكمل و تديك فرصة تبني سور ورا سور بينكم
و مع كل موقف بتبعد نفسيا عنك
و فجأءة تلاقي نفسك مع حد ماتعرفهوش !
هي ماتغيرتش هي بس مبقتش محتاجالك و فجأة و من غير مقدمات و لا تبريرات بتختفي و بلا رجعةومهما حصل !.
عفيفة النفِس أصيلة المعدن لا تُباع ولا تشتري لا يغُريها المال ولا الجاه..إمرأة فاضلة من يجدها ثمنها يفوق اللآلئ.
بقلم /ماريانا مختار

رابط مختصر