أفكار وحلول للخروج من الأزمة الإقتصادية

أفكار وحلول للخروج من الأزمة الإقتصادية

مشاهدة
أخر تحديث : السبت 31 أغسطس 2019 - 10:18 مساءً
أفكار وحلول للخروج من الأزمة الإقتصادية

كتبت / رضوي سامي

#العقارات المخالفة بالبناء على أراضي زراعية،بدل قرارات الازالة اللي مش بتتنفذ أصلا،ليه مانقننش وضعها بالتصالح بغرامة مالية ولتكن مثلا بألف جنيه للمتر في القرى،و5آﻻف للمتر في عواصم المراكز،و10اﻻف جنيه في المدن الكبرى وعواصم المحافظات،يعني مثلا لو عمارة 600متر في 10آﻻف يبقى 6مليون،من عمارة واحدة بس شوف بقى الاجمالي هيبقى كم مليار من الجمهورية كلها؟

#الصناديق_الخاصة ﻻ بتخضع للضرائب وﻻ للجهاز المركزي للمحاسبات وفيها مليارات الجنيهات

#المصانع_كثيفة_الاستخدام_للطاقة
زي الحديد والسيراميك والاسمنت،بيتحاسبوا باسعار الطاقة والمحروقات المدعمة ويبيعوا الحديد والاسمنت بالسعر العالمي!ليه اصلا ياخدوا دعم؟

#السجائر هنسيب الكليوباترا والسوبر،اما المارلبورا والميريت والمستورد هنفرض ضرائب نخلي العلبة 100جنيه واللي مش عاجبه يبطل سجابر او يشرب كوكو الضعيف او يشرب من البحر،التدخين ضار بالصحة

#الجامعات_الخاصة_والمدارس_الانترناشيونال بتاخد المصاريف بالدولار،نشترط لترخيصها المصاريف بالجنيه ونضاعف الضرائب شويتين

#العربيات لغاية 1600 CC بس واللي اكتر من كدة جمارك مضاعفة

#التكاتك سعر التوك توك الواحد بيوصل ل30ألف ومش مترخصة وفيه حوالي مليون توكتوك واصبحوا أمر واقع بمزاياه بعيوبه،ممكن نرخصها بخطوط سير محددة وتعريفة الاجرة ووفقا للقواعد والقوانين المرورية ويكون بمقابل 1000جنيه للتوكتوك لمرة واحدة يعني مليار جنيه

#مباريات_الدوري هانخليها بجمهور بس هنفرض ضريبة 50جنيه على تذكرة الدرجة ال3 والدرجة ال2 هانخليها200 والدرجة الاولى 500 والمقصورة 1000 واللي مش عاجبه يتفرج في البيت،او مايتفرجش احسن،لان كدة كدة الاهلي هياخد الدوري والزمالك في المركز ال2

#أراضي_الدولة اللي رجال الاعمال خدوا المتر بجنيه زي مدينتي والرحاب وبفرلي هيلز ودريم والمتر دلوقتي باﻻﻻف
يبقى ميصحش كدة ﻻزم يصبحوا بكم مليار

#ضرائب_تصاعدية كل اللي دخله أكتر من 30ألف جنيه في الشهر،واللي عنده فيلات وقصور في مارينا والسخنة

#وافكار_توفر_كم_مليار
نستغنى عن المستشارين في الوزارات
،ونقلل عدد البعثات الدبلوماسية،
وتقشف حكومي كما يجب،زي كل وزير عربية واحدة بس،وماتتغيرش قبل 15سنة وهكذا…..
ونوقف الاستيراد فيما عدا السلع التموينية الأساسية والسلع الاستراتيجية زي القمح والفول والزيت والارز والسولار ……..

رابط مختصر